फिरोज शेख लहान २०७७ भदौ १४ -
सिरहामा आइतबार विहान १९ जनामा कोरोना संक्रमण पुष्टि भएको छ। संक्रमित हुनेहरुमा सिरहाको गोलबजार नगरपालिकाका १८ जना संगै झापा दमक घर भएका मालपोत कार्यालय लहानका प्रमुखमा कोरोना भाइरस कोभिड-१९ संक्रमण पुष्टि भएको स्वास्थ्य कार्यलय सिरहाले जनाएको छ। दमकमा स्वाव संकलन गराउनु भएका मालपोत कार्यालय लहानका प्रमुखमा संक्रमण पुष्टि भए पछि कार्यलय शील गर्ने तयारि भइरहेको स्वास्थ्य कार्यालय लहानले जनाएको छ | यो संगै सिरहामा एक्टिभ संक्रमितको संख्या एक सय ६० पुगेको छ" भने सिरहामा मृतकको संख्या सात पुगेको छ। संक्रमित प्रमुख हिजो राति नै दमक तिर प्रस्थान गर्नु भएको स्रोतले जनाएको छ।