फिरोज शेख लहान २०७९ असार १७ - 
जिल्ला उद्योग वाणिज्य संघ सिरहा लहानको नयाँ नेतृत्व चयनको लागि आज निर्वाचन हुँदै छ। निर्वाचनमा ३१ जनाले विभिन्न पदमा उम्मेदवारी दर्ता गराएका छन् । प्रमुख निर्वाचन अधिकृत उद्धव हमालका अनुसार निर्वाचनको सम्पूर्ण तयारी पुरा भएको र आज शुक्रबार विहान १० बजे देखि बेलुका ५ बजे सम्म मतदाताले मतदान गर्न पाउने छन्। निर्धारित समय भित्र मतदान स्थल मारवाडी सेवा सदनको परिसर भित्र प्रवेश गरिसकेकालाई जति समय लागे पनि मतदान गर्न दिइनेछ। मतदान गर्नका लागि मतदाताले नागरिकता,राष्टिय परिचय पत्र वा मतदाता परिचय पत्र मध्ये कुनै एक र आन्तरिक राजस्व कार्यलय बाट प्राप्त गर्नु भएका व्यवसायिक दर्ता फर्म ( पान ) लिएर उपस्थित हुन् आग्रह गर्नु भएको छ।    

जिल्ला उद्योग वाणिज्य संघ सिरहा लहानको नयाँ नेतृत्वका लागि अध्यक्षमा अजय चौधरी, विकास कुमार शारडा र पशुपति साह चुनावी मैदानमा छन्। यसैगरी प्रथम उपाध्यक्षमा शत्रुधन प्रसाद चौधरी र बसन्तकुमार साह, द्वितिय उपाध्यक्षमा रामभजन पंजियार र सुरेन्द्र कुमार साह, महासचिवमा श्याम गुप्ता र सुनिलकुमार चौधरी, कोषाध्यक्षमा रामउदगार महतो, ललित नारायण सिंह, सचिवमा प्रदीपकुमार गुप्ता र राजलाल गुप्ता रौनियारले उम्मेदवारी दर्ता गराएको हो । सदस्यहरुमा मनोज कुमार साह, बद्रीनारायण चौधरी, बैजनाथ साह सुडी, रबिन्द्रकुमार श्रेष्ठ, अमरनाथ साह तेली, मनोज कुमार महतो, मखबुल आमल, उपेन्द्र गण्डा, देवकुमार महतो सुडी, विन्देश्वर महतो, उज्जवल साह, राजकुमार यादव, मनोज कुमार साह, रामप्रकाश साहले उम्मेदवारी दर्ता गराएको हो । महिला सदस्यहरुमा खुश्वु जयसवाल, रीतादेवी यादव, भवानी कुमारी श्रेष्ठ, मञ्जु साहले उम्मेदवारी दिएको हो ।